كـــــان عنــــدك هـــم

)()( كـــــان عنــــدك هـــم )()(

كان عندك هم لاترفع تــقول "
يا آلــه الكون همي كم كبر "
قل ياهمـي ترى مهما تصول "
عندنا رب(ن) كبير(ن) يا بشـر "
كل هالدنيا ترى مثل الفصـول "
ضيقتـين وفرحتـين وكم كـدر "
القـهر لو طال في يومن يزول "
كـــن ماجانا بدنيتـنا قـهر "

**
والبكا قصه بدايتها هطــول
والخدود ارض(ن) ودمعاتك مطر "
الزهر لو عاش من دمعه بتول
كان في خدي من الدمـعة زهـر "
والسهر ما اتعبه ليل(ن) يطول
لو يطول الليل ماذل الســهـر "
المهم اسمع كلام اللي يقـول
بيت شعر(ن) ناحتينه بالحــجر "

**
لـو يجيك الهم لاترفع تقول
يا آله الكون همي كم كــــبر "
قل ياهمـي ترى مهما تصول
" عنـدنا رب(ن) كبير(ن) يا بشـر "